الجمعة، 25 نوفمبر 2011

وفداكي نور عنيا ..( 11)






لسة باقي جوايا حلم ..
 وعشان الحلم بموت .. وموتي ليكي هدية 


  دعوتي بالحب ليكي  ..ويضيع عشانك نور عنيا 

وأهتف عشانك عيش وحرية ..  وانتي تعذبيني وتقتلي فيا ؟!

ملعون أبو الجبان واللي خان .. واللي عنده القتل غية

واللي لسة شايف ابن بلده .. لو يموت مالوهش دية

ياعروسة النيل ياسمرا  .. ياللي واخدينك وسية 

يخصصوكي ويبيعوكي  .. ويسرقوكي الحرامية 

ولما ثاروا ولادك .. قالوا بلدي ماهيش تكية

لفقوا لهم في القواضي .. والمحاكمة عسكرية 

وكله ساكت كله راضي والنتيجة هيا هيا .. 


واللي حاكم اصله فاضي كل يوم يعمل قضية ..


قالوا مش ثورة دي فوضى وبأجندة خارجية 

واتقلبت الحقايق والقتلة بقوا الضحية ..

واللي ضاع نور عنيهم  بقوا عملا وبلطجية .

واحلف لك رغم الألم والدم .. بكل روح شهيد وكل دمعة أم

لارجع يابلدي حقك بإديا  ..  ولو تقتليني وتقسي عليا 

هاكتب بدمي الظلم نهايته جاية




هناك تعليق واحد: